雖然我一路都好鐘意食野, 但近排我0既嗜好真係變左周圍飲飲食食, 除左食, 我仲愛上了煮....
我上個星期六要去鴨寮街, 因為晶佬成日要去之外, 我要去0個度幫公司買野, 咁我又記得森美之前講過有兩間鋪頭0的野好好食, 我咪順便去0個度食下囉...
首先我去左一間叫坤記糕品, 佢0係openrice不嬲都人氣高企, 我成日去0個頭, 都聽過呢間野, 就算經過都唔記得去試下, 所以今次咪去試下囉, 果然好好食, 所有糕都唔太甜, 而且差唔多全部都好食, 我本人最鐘意食0個個馬蹄糕, 不過比晶佬食晒, 唔記得影相, 失策啦...
另外我又去左一間食包好正0既茶餐廳, 森美話0個度0的菠蘿包好好食, 但我發現原來佢所有包都好好食, 我本來堂食試一0的, 但最後走0個時頂唔順再買多兩個, 0個度最好食係0個個流沙雞尾包, 嘩, 真係好食到暈, 另外個菠蘿油真係好細心, 因為個包熱0既話, 個牛油一定會溶晒, 所以佢個牛油係搵冰鎮住另下架, 超細心, 下次大家真係要去試下啦...
好la, 講完周圍食, 講下自己煮0既野, 呢排我挑戰自己兩樣野, 一個就係滷水雞亦la, 其實我可以好方便咁0係超市買支滷水汁0既, 不過晶媽不嬲都係自己整, 咁我唸住學下佢自己整囉, 點知第一次整出黎落得太多老抽同唔夠冰糖, 超級咸同難食, 晶佬話我煮咁多樣野最唔好食係呢樣, 之後我死都唔信, 我過幾日咪試多次, 落番多0的水同冰糖0係個滷水膽度, 終於都成功, 真係好開心...
另外我又想試下整甜品, 因為我好鐘意食椰汁糕, 咁我擒晚咪試下整囉, 點知唔夠魚膠粉, 水汪汪, 同埋太多糖, 變得甜到嘔, 個食譜我0係0係討論區見到個女仔講話佢自己整得好食, 我咪跟足佢囉, 嗨, 我見掉左去又好晒, 所以咪同晶佬食一0的囉, 但攪到我擒晚柯到今朝先有得訓, 簡直係慘呀, 晶佬叫我暫時唔好整住喎, 因為連佢呢個咁小食到肚柯0既人都肚柯呀....
